Film/Serial
Pas në kohë: Kur Drake ishte aktor i njohur i një seriali adoleshentësh
Fansat e zjarrtë të Drake, kryesisht kanadezë në këtë rast, përveshën mëngët për t’i treguar vendin dikujt që guxoi të tallej me reperin dhe aftësitë e këtij të fundit në aktrim.
Një përdorues në Twitter me emrin @pktheterrible postoi një video të Drake duke shkruar se “Drake do kaq shumë të jetë aktor”. Pas kësaj, me qindra njerëz shkruan se @pktheterrible me siguri nuk e ka parë Dregassi-n dhe ironizuan se “e njohën Drake si aktor, para se bota ta njihte si reper”.
Në moshën 15-vjeçare, Drake kishte dëshirë të bëhej aktor dhe një mik i shkollës së mesme prezantoi të atin, agjent aktorësh, me Drake. Ai i gjeti Drake një rol në serialin kanadez për adoleshentë, “Dregassi: The Next Generation” (2001).
Në serial, Drake portretizoi Jimmy Brooks, një yll basketbolli i cili u paralizua pasi u gjuajt nga një shok klase. Në “Dregassi: The Next Generation”, Drake u shfaq në një total prej 100 episodesh, midis vitit 2001 dhe 2008.
Në atë kohë, Drake pati edhe role të tjera jo fort të rëndësishme si në “Blue Murder” (2001) apo “Soul Food” (2002). (An)