‘Na duhen më shumë Melania Trump dhe më pak Cardi B’: Reperja shpërthen pas kësaj deklarate

Fjalimi i fundit i Melania Trump në “Republican National Convention” bëri jo pak bujë, teksa Zonja e Parë përpiqej të bindte njerëzit pse duhet ta rivotonin të shoqin. Pas fjalimit, shkrimtarja DeAnna Lorraine bëri një deklaratë në Twitter ku shkruan: “Amerika ka më shumë nevojë për gra si Melania Trump dhe më pak si Cardi B.”

Imagjinoni pak reagimin dhe fytyrën që ka bërë reperja kur ka lexuar këtë krahasim goxha ofendues. S’vonoi shumë që Cardi t’i përgjigjej në mënyrën e saj.

“A nuk e ka pas shitur dhe ajo WAP?”- shkruan Cardi duke postuar një foto nudo të Melania-s.

“WAP”- “Wet Ass Pussy” është titulli i këngës së Cardi B dhe Megan Thee Stallion, që së fundmi ka shkaktuar jo pak polemika për shkak të fjalëve që përdoren në tekst. Reperja i kërkoi gjithashtu mbështetësve të Trump-it të ndalojnë së dëgjuari këngën e saj nëpër festa dhe varka.

Reagimit të ashpër të Cardi-it, ish-republikania iu përgjigje përmes një statusi duke listuar gjithë “veset” dhe ngjarjet famëkeqe të reperes ndër vite.

“Cardi B,

-Repon këngë për organet gjenitale duke korruptuar të rinjtë

-Drogonte dhe vidhte burra gjatë kohës kur punonte si striptiste

-i shoqi e ka tradhtuar dhe ajo ju tha të rinjve të Amerikës se është ok të qëndrosh me një tradhtar!”

Cardi nuk ka kthyer ende një përgjigjë për këtë, por sigurisht ka sqaruar të gjithë ata që mendojnë se kënga e saj “WAP” është shumë vulgare duke thënë:

“Njerëzit që shqetësohen nga kënga janë zakonisht konservatorë ose njerëz fetarë, por unë jam rritur duke dëgjuar këtë lloj muzike. Të tjerët mund të mendojnë se është e çuditshme dhe vulgare, por për mua është tejet normale.” (AB)